Newsletterra

, zure izen-ematea bideratu da.

EQZEk lehen ikasturterako eskainitako 45 plazak bete dira

2018-2019 ikasturterako eskainitako plazak mundu osoko 113 eskaeren artean aukeraketa egin ondoren bete dira

2018/07/09

Ikasleen % 60 emakumezkoa da (27) eta % 40 gizonezkoa (18). 10 ikasle EAEkoak dira (Gipuzkoakoak 9); 17, estatuko beste toki batzuetakoak, eta, 18, atzerritarrak (Latinoamerikako 11). Ikasle atzerritarren jatorria askotarikoa da: Andorra, Argentina, Kolonbia, Ekuador, AEB, Mexiko, Erresuma Batua, Serbia, Tailandia, Ukraina eta Venezuela. Batez besteko adina 29 urtekoa da.

+ irakurri

Ikusmira Berriak programa egonaldi bikoitzekoa bihurtuko da

Helburua da errealizadoreek egonaldiari ahalik eta etekin handiena ateratzea. Horretarako, bi egonaldi egingo dira, otsailean eta irailean

2018/07/06

Egoiliarrek beren proiektuak lau astetan, otsaila eta martxoa bitartean, garatuko dituzte. Denbora horretan, ekoizle eta zinemagileen tailerretan parte hartuko dute eta adituen batzordeko kideen aholkuak jasoko dituzte. Martxotik irailera, zinemagileek beren proiektuan lan egiten jarraituko dute adituen online tutoretza jasoz. Irailean, berriz, Donostiara itzuliko dira.

+ irakurri

EQZE Ikusmira Berriak programan sartu da

Elías Querejeta Zine Eskola egoitzen programan kide sartu izanari esker, hautatutako proposamenen kopurua lautik bostera zabaldu da

2018/05/24

Hautaketa batzordea Tabakalera, Donostia  Zinemaldiko eta, lehen aldiz, Elías Querejeta Zine Eskolako kideek osatzen dute eta, oraingo honetan, 31 herrialdetatik jasotako 155 proposamenen artean, Manuel Abramovich, Grigory Kolomytsev, Elena López Riera, Arantza Santesteban eta Nele Wohlatz egileen lanak hautatu dituzte.

+ irakurri

Beste egileen zineari buruz Tarkovskik zuen ikuspuntua

"Lezio galduen" bigarren zatian gogora ekarriko dugu etorkizuneko zinemagileen ikasketa-prozesua suspertzeko egileak zuen modua

2018/05/04

Hainbat zinemagileren inguruan egindako iruzkinak entzungo dira: Bergman, Bresson, Iosseliani, Kozintsev, Lumière anaiak edota Parajanov eta arreta berezia eskainiko diogu Tarkovskik Buñuelen zinemagintzari buruz esandakoari. Bertan izango dira Julen Abasolo, Cristina Álvarez, Pilar Carrera, Xabier Erkizia, Till Fellner, Giuseppe Lanci, Adrian Martin eta José Manuel Mouriño.

+ irakurri

"Zinemaldia 70. Istorio posible guztiak"

Ikerketa eta komisariotza lan batek Donostia Zinemaldiaren funts dokumentalen zaintza eta sarbidea bermatuko du

2018/05/02

Donostia Zinemaldiak Zinemaldia 70. Istorio posible guztiak proiektua sortu du, EQZEren ikerketa-saila, Tabakalera eta Euskadiko Filmategiarekin elkarlanean, Zinemaldiaren artxibo bizia eratzeko asmoz. EQZEko irakasle eta ikasleek parte hartuko dute Zinemaldiaren iraganari, orainari eta geroari buruzko gogoeta eta eztabaida sortu nahi duen proiektu honetan.

+ irakurri

Donostia Zinemaldiari buruzko irakasgai bat izango du EQZEk

Komisariotzako ikasleek edizio baten prestaketa prozesua ezagutu eta zinemaldi eredu desberdinez eztabaidatuko dute

2018/03/23

“Zinemaldia eraikitzen” irakasgaia eztabaida formatu batean artikulatuko da, eta, ezagutza transmititu eta partekatzeaz gain, aukera bat izango da Zinemaldiarentzat ere, hark bere burua birpentsatzeko, identitate ezaugarriak berrikusteko, eta ikus-entzuleei, industriari edo komunikabideetako profesionalei dagozkien estrategiak eztabaidatzeko.

+ irakurri