Lorena Soria Iñiguez (Bartzelona, 1993) Artearen Historian graduatu zen Bartzelonako Unibertsitatean. Ondare Kulturalen Kontserbazio eta Zaharberritze titulua ere lortu zuen dokumentu grafikoen espezialitatean, Kataluniako Ondare Kulturalen Kontserbazioko eta Zaharberritzeko Goi-mailako Eskolan. Gaur egun, Ondasun Higigarri eta Higiezinen Kontserbazio Prebentiboko Masterra ikasten ari da bertan. 2022an, material zinematografikoak eta ikus-entzunezkoak babesten espezializatu zen Elías Querejeta Zine Eskolako Artxiboa graduondokoan.
Hainbat erakunde eta enpresatan egin du lan, ondare grafiko, dokumental, bibliografiko eta ikus-entzunezkoaren kontserbatzaile-zaharberritzaile gisa. Gainera, esperientzia dauka artxiboen eta dokumentalen kudeaketan, baita funtsen eta argazkien eta ikus-entzunezkoen bildumen deskribapen eta sailkapenean ere. Besteak beste, Bartzelonako Itsas Museoaren eta Kutxa Fundazioaren argazki-artxiboetan, Turingo Estatuko Artxiboan, ikus-entzunezko HAMACA plataforma esperimentalean eta Restauro del Libro-Abbazia di Santa Maria del Monte eta Dokuzain enpresetan egin du lan. Gaur egun, Donostiako Zinemaldiaren Artxiboaren kontserbatzaile eta teknikari gisa dihardu.
Profil honen azken eguneratzea: 2024
