Jaialdiak Patxi Burilloren Y arquitectura un sueño de palmera, Mikele Landaren Noizko basoa, Marieke Elzermanen La voz rosa eta Sara Domínguez López eta Luis Morla EQZEko ikasleek ECAMen garatutako No conozco la historia del fuego proiektatuko ditu. "Súper 8 contra el grano" atalaren barruan ere proiektatuko da Rank and File (Silvia Harvey, 1973), Artxiboko ikasle Laura Ibañezek eskolan digitalizatutako filma. Azkenik, Daniela Delgado, bigarren promozioko Komisariotzako ikaslea, X Films-en parte hartzera gonbidatutako zinemagileetako bat da.

Eskolan garatutako Mision a Marte (Amat Vallmajor), Sóc vertical però m 'agradaria ser horitzontal (María Antón Cabot), Los espantos (Jorge CAstrillo) eta Zehn Minuten vor Mitternacht (Mario Sanz) D' A Festival Cine Barcelona jaialdiko sail ezberdinetan hartuko dute parte.

Laura Moreno Buenoren NIOBE filma eta Jorge Castrilloren Un viento roza tu puerta Ann Arbor Film Festival-ean hartuko dute parte. Filmak AEBn ikusi ahal izango dira lehen aldiz, abangoardiako zinema-jaialdirik ospetsu eta beteranoenetako baten programazioaren barruan.

Helburua da ikerketa-lan originalen sorrera babestea, Artxiboa webgunea ireki eta Tabakaleran funtsak eskuragarri jarri ondoren

Hautagaiek Gipuzkoako Foru Aldundiaren, Ibermediaren eta Projeto Paradisoren bekak eskuratzeko aukera izango dute. EQZEren 2023-2024 ikastaroa irailaren 18an hasiko da.

Zentroak hamabi bekaren bitartez banatuko du dirulaguntza, beka bakoitza 3.333 dolarrekoa izanik; programan parte hartzen duten 23 herrialdeetatik datozen hautagaiek izango dute laguntza eskuratzeko aukera. Eskaera eskolan izen-emateko epearen barruan egingo da.

Rotterdamgo IFFR Nazioarteko Jaialdian Marieke Elzerman EQZEren hirugarren promozioko ikaslearen La Voz Rosa filmaren mundu mailako estreinaldia izango da. Filmaren lehen proiekzioa hilaren 28an izango da, "Short & Mid-length" sailean.

Maui Alenak, EQZEko lehen promozioko Komisariotzako ikasleak, La casa de los anfibios. Conversaciones sobre cine izenburuko bere lehen liburua argitaratu du. Argitalpena EQZEren 2018-2019 Ikasturtean zinemagileekin egindako hamabost elkarrizketek osatzen dute.

"Artxiboa" webgunearekin burutu da 2018an Donostia Zinemaldiak eta Elías Querejeta Zine Eskolak hasitako "Zinemaldia 70: historia posible guztiak" proiektuaren lehen fasea. Proiektu horren xedea da Zinemaldiaren artxibo historikoa –Zinemaldiaren sorreratik, 1953tik, gorde dena– kontserbatzea, ikertzea eta kontsulta publikora zabaltzea. Ekimenaren kolaboratzaileak dira Euskadiko Filmategia, MedialabTabakalera eta Kutxa Fundazioa, eta Estatuko Loteriak eta Apustuak erakundeak babesten du.

El periodo de la residencia se prolongará durante ocho semanas repartidas en dos estancias. Las y los seis cineastas escogidos llegarán el 6 de marzo a Tabakalera, en cuyo Espacio de Artistas tendrán tiempo para trabajar en el desarrollo de su proyecto hasta el 16 de abril. En septiembre, coincidiendo con la celebración del Festival, regresarán a San Sebastián para completar las dos últimas semanas de residencia. 

María Anton Cabot EQZEalumniaren Sóc vertical però m 'agradaria ser horitzontal filmak Publikoaren Saria jaso du Márgenes jaialdian. Bestalde, Lucia Montero hirugarren promozioko ikaslearen Peter filmak Music Library & SFX Saria lortu du L 'Alternativan.

Misión a Marte de Amat Vallmajor, estudiante de la segunda promoción, ha obtenido una Mención Especial del Jurado Cine Español del Festival Internacional de Cine de Gijón FICX. Por su parte, Wild Flowers de Karla Crnčević (estudiante de la tercera) ha sido galardonada con el Gran Premio del Cine Vasco de Zinebi.

Inês Limaren A casa do norte, Patxi Burilloren Argileak eta Jorge Castrilloren Un viento roza tu puerta jaialdiko sail ezberdinetan lehiatzen dira; Zahra Vargasen Belarrimotz CCCBko Hall espazioan proiektatzen da. Bestalde, Lucía Montero eta Jesús Lacorteren Peter eta La alternativa de Tristán proiektuak aukeratu dira, hurrenez hurren, "Mentoring Projects" eta "Extremlab", jaialdiaren garapen programetan.

Informazio gehiago

Zinemaldiaren Sail Ofizialean parte hartuko dute Karla Crnčević, laugarren promozioko ikaslearen Wild Flowers eta hirugarren promozioko ikasle María Inés Gonçalvesen O banho. Eskolako ikasleen beste bi film, Irati Canoren Medusak eta Mikele Landaren Noizko Basoa, Zinebiren Bertoko Begiradak sailean daude.

Informazio gehiago

Gijongo Nazioarteko Zinema Jaialdiak Amat Vallmajor Elías Querejeta Zine Eskolako bigarren promozioko ikaslearen lehen film luzearen munduko estreinaldia hartuko du FICXen programa ofizialeko Retueyos sailean. Filma Donostia Zinemaldiaren 69. edizioko WIP Europa sailean parte hartu zuen

Informazio gehiago

Firenzeko jaialdian Gabriel Azorinen Il rumore dell 'universo (Let the Music Play sailaren barruan) eta Inês Gonçalvesen The Bath eta Mario Sanzen Zehn Minuten vor Mitternacht-ek(Doc at Work Future Campus sailean) hartuko dute parte.

Informazio gehiago

María Antón Cabot EQZEko lehen promozioko ikaslearen film berria Sevillako Zinemaldiko "Las nuevas olas" sailean estreinatuko da. Bestalde, Violeta Sarmiento Pérez eta hirugarren promozioko alumnia Julia Cortegana de la Fuenteren Ahora aquella utopía eta Jorge Castrillo bigarren promozioko ikaslearen Los espantos dira "Panorama andaluz" saileko parte dira.

Informazio gehiago

Urriaren 28an, "Somewhere from here to heaven" erakusketa inauguratuko da Azkuna Zentroa-Alhóndiga Bilbaon, Bruce Baillieren unibertso filmikoan inspiratuta. Garbiñe Ortegak komisariatu du erakusketa, eta Zinematekaren bidez zabaldu da, Elías Querejeta Zine Eskolako ikasleek parte hartu duten zinema-programa batekin.

Jorge Castrillo EQZEren alumniak zuzendutako Los espantos film laburra gaur hasiko den Granada Film Fest jaialdiko programaren parte da. | Zinema-jaialdiaren zuzendari artistikoa Antonio Miguel Arenas da, zentroko lehen promozioko ikaslea.

Elías Querejeta Zine Eskolak, Euskadiko Filmategiak eta Donostia Zinemaldiak argitaratzen duten ZINE aldizkariaren hirugarren zenbakiaren aurkezpen publikoa egingo da larunbat honetan. Aurkezpenean Beñat Sarasola ikerlaria eta Maialen Beloki SSIFFeko zuzendariordeak parte hartuko dute. Aldizkariak jasotzen dituen Koldo Izagirreren lan zinematografikoari eta Antxon Eceizaren biofilmografiari eskainitako testu nagusien egileak dira Sarasola eta Beloki.

Aurretik, 18:00etan, Maialen Belokik "Antxon Eceiza. Vidas, tiempos, obras" liburua aurkeztuko du, Shangrila elkarteak berriki argitaratu duena, Santos Zunzuneguirekin batera.

Informazio gehiago

Elkarlanean egingo duten lehen lana Kubako zinema ondarea ikertzeko, zaintzeko eta ezagutarazteko proiektu espezifikoak sortzea izango da. Elkarlan horren ondoriozko emaitzak foro akademiko eta profesionaletan partekatuko dira, programa publikoen bitartez.

Valentina Pelayo EQZEko hirugarren promozioko ikaslearen filma Txileko jaialdiaren 29. edizioko "Cortometraje Latinoamericano" sail konpetitiboaren parte da. "Trazos de silencio" FICUNAM eta Curtas Vila do Conderen programazioetan parte hartu zuen.
 

Mario Sanz, EQZEren lehen promozioko ikasleak, Penínsulas sail konpetitiboaren lehen saria lortu du. Filma uztailean estreinatu zen FIDMarseillen.

EQZEko hirugarren promozioko ikaslearen filma gaur hasi eta urriaren 16an amaituko den Portugalgo jaialdiko Riscos sailean dago.

Lehen promozioko Mario Sanzen "Zehn Minuten vor Mitternacht" eta bigarren promozioko Jorge Castrilloren "Los espantos" film laburrak zinema-jaialdiko Peninsulas saileko parte dira. Curtocircuítok Eugenio Granellen (1912-2001) lanaren zaharberritzeari ere eskainiko dio saio bat. Zaharberritzea EQZEn egin da Borja Rodriguezek, Amaia Badiolak, Julia Cortegana de la Fuentek eta Pablo Adiegok osatutako ikasle talde baten eskutik, Carolina Cappa ikertzailearen laguntzarekin. Eugenio Granell Fundazioak, Galiziako Filmategiak eta Numaxek parte hartzen dute proiektu honetan.

Ostegun honetan La Casa Encendidan egingo den Pasajes programaren saio berrian, bigarren promozioko ikasleak Sorkuntza ikasketen esparruan egindako hainbat lan proiektatuko dira.

Islandiako zinema-jaialdiak eskolako ikasleen hiru lan programatu ditu "Spanish Shorts" zikloaren baitan. Jaume Clareten "Ella i jo", Óscar Vincentelliren "La sangre es blanca" eta Gabriel Azorínen "El ruido del universo" ikusi ahal izango dira.

Elias Querejeta Zine Eskolak berriz ere presentzia handia izango du Donostia Zinemaldiaren 70. edizioan. Lehen lau promozioetako ikasleek EQZEn sortutako hainbat proiektuk lekua izango dute SSIFFeko jardueretan eta programazioan.

Elias Querejeta Zine Eskolak ateak ireki dizkie bosgarren promozioko ikasle berriei, ongietorria eman eta harrera eginez. Gaur hasi da 2022-2023 ikasturtea, eta hamabost hilabete barru amaituko da, 2023ko abenduan, EQZEko ikasleek eskolan egindako lanen aurkezpenarekin. Lehenengo aste honetan, ikasleen hiru taldeekin (Artxiboa, Komisariotza, Sorkuntza) eta horien koordinatzaileekin lehen topaketak egingo dira, Ikasketa Plana aurkeztuko da, eta EQZEren kide diren erakundeen proiektuak aurkeztuko dira.

Desengainuaren kontzeptua behin eta berriz ageri da Espainiako kulturaren testuinguruan. Zinemaren esparruan, ideia hori zentzu existentzial hutsetik edo ikuspegi politikotik garatu da, eta hori da, hain zuzen ere, Trantsizio garaiko Espainiako ekoizpen nagusietako batzuen ezaugarria. Geurean, diskurtsoa eta prozesu politikoa desberdinak diren arren, euskal testuinguru kulturalera ere iritsi zen desilusio eta krisi ideologiko hori, eta, horren ondorioz, testuinguru propioa sortzeko gai izan ziren obrak sortu ziren, zenbait kasutan eztabaida gogorren erdian.

Espezialitate bakoitzak 15 ikasle izango ditu gehienez; beraz, 45 plaza izango dira guztira. EQZEren 2022-23 Ikasturtea irailaren 12an hasiko

Ikasturte honetatik aurrera (2021-2022 ikasturtea), Elías Querejeta Zine Eskolak izen handiko zinemagileak gonbidatuko ditu ikastetxeko komunitatean denboraldi batez elkarrekin bizitzeko, “Zinemagileak egoitzan” programaren barruan.

Eskolak hamalau bekaren bidez banatuko du dirulaguntza, eta beka bakoitza 3.571 dolarrekoa izango da. Eskolan hautatzen diren eta programan parte hartzen duten 23 herrialdeetatik datozen hautagaiek eskuratu ahal izango dituzte beka horiek.

Programak zortzi aste iraungo du, eta bi egonaldi egingo dituzte parte-hartzaileek. Martxoaren 14an iritsiko dira sei zinemagileak Tabakalerara, eta, bertan –Artisten Gunean, zehazki–, apirilaren 24ra arte garatu ahalko dituzte euren proiektuak. Irailean, Zinemaldiarekin batera, Donostiara itzuliko dira egonaldiko azken bi asteak osatzeko.

Abenduaren 4an, Kontatzeko beste modu bat: emakumeen presentziak, absentziak eta irudikapenak Donostia Zinemaldian (1953-1978)’ jardunaldia egingo da Tabakaleran.

Elías Querejeta Zine Eskolak ordezkaritza zabala izango du, Donostia Zinemaldiaren 69. edizioan. Lehen hiru promozioetako ikasleek eskolan sortutako proiektu ugari ikusgai egongo dira, SSIFFen programazioan eta jardueretan.

Elías Querejeta Zine Eskolak ateak ireki dizkio laugarren promozioari, ikasleei ongietorria eta harrera eginez. Gaur hasi da 2021-2022 ikasturtea, eta hamabost hilabete barru amaituko da, 2022ko abenduan, EQZEko ikasleek eskolan egindako lanak aurkezten dituztenean.

Elias Querejeta Zine Eskolak 2019-2020 ikasturteko memoria aurkeztu du, eskolaren bigarren urte akademikoaren berri ematen duena.  Ikasturtea 2019ko irailean hasi eta 2020ko abenduan amaitu zen. Martxoaren 13an, pandemiak eten egin zuen programa akademikoa, eta osasun krisiaren eragina berebizikoa izan da.

Elías Querejeta Zine Eskola ha incorporado al equipo de coordinación académica del centro a Eva Sangiorgi (Faenza, 1978) que se convierte en la responsable del área de Comisariado de EQZE. Desde 2018 directora artística de Viennale, el Festival Internacional de Cine de Viena, Eva Sangiorgi se licenció en Ciencias de la Comunicación en Bolonia y realizó un Máster en Historia del Arte en Ciudad de México.

Lehenengo alean Nestor Basterretxearen zinematografia lana aztertu da, konstruktibismoaren ikuspuntutik, eta Maria Jesusen “Tatus” Fombellidaren lana aurkeztu da.

Eskolak apustu egin du aurrez aurreko ereduaren alde. Martxan dagoen ikasturtearen lehenengo bi moduluetan, irakaskuntza eredu hori % 81era iritsi da eta programa akademikoaren % 96 bete da. EQZEren 2020-2021 ikasturtea irailaren 13an hasiko da.

Egonaldia zortzi astekoa izango da. Pandemiaren eboluzioak horretarako oztoporik jartzen ez badu, hautatutako bost zinemagileak martxoaren 15ean iritsiko dira Tabakalerara, eta apirilaren 25era arte garatu ahal izango dituzte beren proiektuak. Irailean itzuliko dira, Donostiako Zinemaldiarekin batera, egonaldiaren azken bi asteak egiteko.

1960an egin zen Zinema Ikasleen Lehen Topaketaren inguruko polemika, 1968an programatu zen New American Cinema atzera begirakoak izan zituen arazoak eta 1971ko edizio tirabiratsua, Canciones para después de una guerra (Basilio Martín Patino, 1971) eta Liberxina 90 (Carles Duran, 1970) filmen debekuak markatutakoa, aztertuko dira.

Elías Querejeta Zine Eskolak ordezkaritza handia izango du Donostia Zinemaldiaren 68. edizioan; aurtengo Zinemaldia irailaren 18an hasiko da, ostiralarekin. Eskolako lehenengo bi promozioetako ikasleek eskolan bertan sortutako proiektu ugari txertatuko dira SSIFF jaialdiko programazioan eta jardueretan; hartara, eskolan garatutako lehenengotariko hainbat lan izango dira ikusgai.

Elías Querejeta Zine Eskola zabalik dago berriro, eta hirugarren promozioko ikasleei ongi etorria eta harrera egin die. 2020-2021 ikasturtea gaur hasi da, eta hamabost hilabete barru amaituko da, 2021eko abenduan, EQZEko ikasleek eskolan egindako lanen aurkezpenarekin.

Donostia Zinemaldian zinema-ikasleentzat egiten den film laburren nazioarteko lehiaketa da Nest, eta aurtengo ediziorako (XIX.a), 49 herrialdetako 165 eskolak aurkeztutako 348 film laburren artean hamahiru hautatu dira. Aukeratutako lanak –horietako zazpi, gizonezko zinemagileenak, eta gainerako seiak, emakumezko zinemagileenak– Alemania, Argentina, Kuba, Espainia, AEB, India eta Erresuma Batuko zentroetatik datoz.

Programa akademikoaren seigarren modulua hauekin osatuko da: Esther Urlusek emandako artisau emultsioei buruzko tailer bat, zaharberritze digitalaren inguruko beste bat Lorena Bordigoniren eskutik,"Zine-jaialdiei buruzko begirada kritikoak: historia, kultura eta politika" UPV/EHUko uda ikastaroa eta Artiumen Donostia Zinemaldiarekin batera antolatutako "Jaialdiak XXIV edizio izan ditu. Ez dugu gogoko" erakusketa.

“Ya no duermo” Marina Palacioren (Donostia, 1996) opera prima Donostia Zinemaldiko 68. edizioan estreinatuko da. Palacio Elías Querejeta Zine Eskolako lehenengo promozioko kidea da. Estreinaldia  Zinemaldiko lehiazko sailen artean irekiena den Zabaltegi-Tabakalera sailaren barruan egingo da.

Zinemagile argentinarrak (“La princesa de Francia”, “Hermia y Helena”, “Isabella”) bere filmak Donostia Zinemaldian, Berlinalen, Locarnon, Toronton, Baficin eta Viennalen estreinatu ditu

Donostia Zinemaldiak, Elías Querejeta Zine Eskolak eta Artium Gasteizko Arte Garaikidearen Euskal Zentro Museoak Zinemaldiak 24 edizio izan ditu: ez dugu gogoko erakusketa aurkeztuko dute irailaren 9an.

Ikastaroak zinema-jaialdiei buruzko ikerketarako bidea proposatzen du, iraganaren, orainaren eta geroaren arteko elkarrizketak ezarrita. Hitzaldiek nazioarteko zinema-jaialdien historia aztertuko dute, eta aldaketa sozial eta politiko garaikideekin duten lotura, eta mahai-inguruetan, aldiz, zinema-jaialdion orainari eta etorkizunari buruzko eztabaidarentzako lekua egongo da.

Carlos Muguiro: "Garrantzitsuena da, termino kuantitatiboetan neurtzeko zaila izan arren, epe ertainera proiektu honek gizartea eta pertsonak eraldatzeko duen boterea"

Otsailaren 1ean irekiko da Elías Querejeta Zine Eskolako 2020-2021 ikasturterako onarpen aldia. Epe hori maiatzaren 15ean amaituko da. EQZEk lehen epean aurkeztutako hautagaien lehen aukeraketa egingo du. Elías Querejeta Zine Eskolaren 2020-2021 ikasturtea irailaren 14an hasiko da.

Eskolak hamar beka partzialen bidez (bidaia poltsak) banatuko du diru-laguntza. Beka bakoitza 3.000 dolarrekoa izango da, eta hurrengo ikasturtean (2020-2021 ikasturtea) eskolan hautatuak izan eta matrikulatzen diren eta programa finantzatzen duten hogeita bat herrialdeetatik datozen hautagaiek eskuratu ahal izango dute.

Lehenengo aldiz, egonaldiaren luzera zortzi astekoa izango da, iazko edizioan baino bi aste gehiagokoa. Bost zinemagileak martxoaren 2an iritsiko dira Tabakalerara, eta apirilaren 12ra arte izango dute proiektua garatzeko epea. Carlos Rodríguez Sanzek eta Manuel Coronadok zuzendutako ‘Expediente’ proiektatuko da, zeinak film labur onenaren Urrezko Maskorra irabazi zuen 1977an, eta Luis López Carrasco eta Raúl Liarte zinemagileek performance esku-hartze bat egingo dute.

Lehenengo aldiz, egonaldiaren luzera zortzi astekoa izango da, iazko edizioan baino bi aste gehiagokoa. Bost zinemagileak martxoaren 2an iritsiko dira Tabakalerara, eta apirilaren 12ra arte izango dute proiektua garatzeko epea.

EQZEko ikasle atzerritarren jatorria askotarikoa da: Argentina, Australia, Bolivia, Brasil, Kolombia, Hego Korea, Kuba, Ekuador, Estatu Batuak, Finlandia, Italia, Mexiko, Peru, Portugal, Errepublika Dominikanoa eta Uruguay.

Lau aste hauetan, jasotako 174 proposamenetatik hautatuko bost errealizadoreek (Raven Jackson, Martina Juncadella, Alberto Martín Menacho, Aitziber Olaskoaga eta Michael Wahrmann) euren proiektuak garatu dituzte Tabakalerako Sortzaileen Gunean.

EQZE-n egindako ikasketak Unibertsitateko ikastegietan ematen direnen balio akademiko berbera izango dute. UPV/EHU-rekin koordinatuta, eskolak bere proiektu pedagogikoa mantenduko du autonomia osoz. Ostiral honetan hasiko da, otsailak 1, Elías Querejeta Zine Eskolako bigarren ikasturtean parte hartzeko epea, onartuak izateko aldian, eta maiatzaren 31n amaituko da.

Eskolatik bi orriko leihoa da: batetik, Elías Querejeta Zine Eskolari begiratzen dio; eta, bestetik, eskolan bertan sortu den programa bat proposatzen du. Ikasturtean, hilean behin, EQZEko ikasleak Tabakalerako zinema-emanaldi bat programatzeaz arduratuko dira, eta filmek lotura izango dute haien ikasketa-programekin, zinemagile gisa egiten ari diren lanarekin edo zinemagintzari buruz duten jakin-minarekin.

Kritika eta Analisi Saioen Mintegiaren helburua Elías Querejeta Zine Eskolako ikasleei tresnak eta nolabaiteko ikuspuntua ematea da, eskola ondoko ibilbide profesionala zehaztu ahal izateko. EQZEk eta Donostia Zinemaldiak antolatutako jardunaldi hauetan industriako hainbat arlotako profesionalek eta adituek hartuko dute parte.

Elías Querejeta Zine Eskolako ikasleek bideoarte-erakustaldi berriaren programazioa diseinatuko dute, eta Iruñeko Alde Zaharreko kale eta txokoetan ikusgai egongo da Gabonetan. Iruñeko Udalak lankidetza-hitzarmen bat sinatu du eskolarekin, horren bidez bultzada emateko abenduaren 21etik urtarrilaren 1era hiriko erdiguneko hainbat gunetan garatuko den ekimenari.

Andréi Tarkovski zinemagileari eta Donostia Zinemaldiari zuzendutako ikerketa proiektuez gain, ikuspuntu berrietatik aztertuko dira zinemagintza feminista, film artxiboen kontserbazioa eta, argitalpen digitalen bilduma baten bidez, euskal zinemagintza. Ikasleek parte hartze aktiboa izango dute nazioarteko proiektu horietan; ondoren, emaitzak hainbat formatutan argitaratuko dira.

Laugarren edizio hau izango da Ikusmira Berriak-en egungo egiturarekin egingo den azkena. Hurrengoa bi egonalditan zatituko da: otsailean eta irailean. Bosgarren ediziorako deialdia, eredu berriaren araberakoa, abuztuaren 31n itxiko da. Urriaren erdialdera jakingo da zein izan diren hautatutako proiektuak.

Ikasleen % 60 emakumezkoa da (27) eta % 40 gizonezkoa (18). 10 ikasle EAEkoak dira (Gipuzkoakoak 9); 17, estatuko beste toki batzuetakoak, eta, 18, atzerritarrak (Latinoamerikako 11). Ikasle atzerritarren jatorria askotarikoa da: Andorra, Argentina, Kolonbia, Ekuador, AEB, Mexiko, Erresuma Batua, Serbia, Tailandia, Ukraina eta Venezuela. Batez besteko adina 29 urtekoa da.

Egoiliarrek beren proiektuak lau astetan, otsaila eta martxoa bitartean, garatuko dituzte. Denbora horretan, ekoizle eta zinemagileen tailerretan parte hartuko dute eta adituen batzordeko kideen aholkuak jasoko dituzte. Martxotik irailera, zinemagileek beren proiektuan lan egiten jarraituko dute adituen online tutoretza jasoz. Irailean, berriz, Donostiara itzuliko dira.

Hautaketa batzordea Tabakalera, Donostia  Zinemaldiko eta, lehen aldiz, Elías Querejeta Zine Eskolako kideek osatzen dute eta, oraingo honetan, 31 herrialdetatik jasotako 155 proposamenen artean, Manuel Abramovich, Grigory Kolomytsev, Elena López Riera, Arantza Santesteban eta Nele Wohlatz egileen lanak hautatu dituzte.

Hainbat zinemagileren inguruan egindako iruzkinak entzungo dira: Bergman, Bresson, Iosseliani, Kozintsev, Lumière anaiak edota Parajanov eta arreta berezia eskainiko diogu Tarkovskik Buñuelen zinemagintzari buruz esandakoari. Bertan izango dira Julen Abasolo, Cristina Álvarez, Pilar Carrera, Xabier Erkizia, Till Fellner, Giuseppe Lanci, Adrian Martin eta José Manuel Mouriño.

Donostia Zinemaldiak Zinemaldia 70. Historia posible guztiak proiektua sortu du, EQZEren ikerketa-saila, Tabakalera eta Euskadiko Filmategiarekin elkarlanean, Zinemaldiaren artxibo bizia eratzeko asmoz. EQZEko irakasle eta ikasleek parte hartuko dute Zinemaldiaren iraganari, orainari eta geroari buruzko gogoeta eta eztabaida sortu nahi duen proiektu honetan.

“Zinemaldia eraikitzen” irakasgaia eztabaida formatu batean artikulatuko da, eta, ezagutza transmititu eta partekatzeaz gain, aukera bat izango da Zinemaldiarentzat ere, hark bere burua birpentsatzeko, identitate ezaugarriak berrikusteko, eta ikus-entzuleei, industriari edo komunikabideetako profesionalei dagozkien estrategiak eztabaidatzeko.

EQZEren eskutik emango duen hitzaldian, historialari estatubatuarrak ibilbide kronologiko zabal bat egingo du abiapuntua programazioaren diseinuak ikusleak entretenitu eta estimulatzea helburua zuenetik, zinemagile jakin batzuen inguruko programazio espezifikora eta Anthology Film Archives-en inguruan kanon filmiko berri baten ezarpenera arte.

Elías Querejeta Zine Eskolak urtarrilaren 8an zabalduko du bere hiru graduondokoetarako (Artxiboa, Komisariotza eta Sorkuntza) izen-emate epea, eta maiatzaren 31ra arte mantenduko du zabalik. Gehieneko plaza kopurua 15 ikaslekoa izango da, espezialitateko, eta matrikularen prezioa 3.500 eurokoa izango da. Ikastaroa Donostiako Zinemaldiaren 66. edizioarekin batera abiatuko da.

Lehen saioak konbinatuko ditu zinemagileak emandako ikasgai argitaragabeen lehen hautaketa baten entzunaldia eta haren obrarekin zerikusia duten beste esku-hartze artistiko batzuk. Ekitaldi horrek partaide izango ditu hauek: Andréi Tarkovskiren semea, Harkaitz Cano, Xabier Erkizia, Ángel Gutierrez, Menchu Gutiérrez, Ruxandra Kyriazopoulos-Berinde, eta José Manuel Mouriño

Zinema (h)abian-ek bi helburu nagusi ditu: haur eta gazteei zinema arte, sorkuntza eta kultura gisa deskubritzeko aukera eskaintzea eta, beste alde batetik, hezkuntza testuinguruan sorkuntza zinematografikoak daukan indar pedagogikoa garatzea. Elías Querejeta Zine Eskolak eta Tabakalerak emango diote babesa proiektu honi gure lurraldean.

Elías Querejeta Zine Eskolak nazioarteko mintegi bat antolatu du urriaren 26, 27 eta 28rako, gaitzat hartuta zinema amateurra, “izenik gabeko” filmak, eta autoretzaren kontzeptua, izenburu honen pean: Zinema anonimo eta zurtzaren historiak (eta estetikak). Aldi berean, ikusgai jarriko da "Izenik gabeko" zinema erakusketa eskolaren espazioan bertan.

Doré Zineman (Filmoteca Española) izan da gaur goizean Elias Querejeta Zine Eskolaren Madrilgo aurkezpena. Bertan, aditzera eman dira ikerkuntzaren, berrikuntza pedagogikoaren eta zinema esperimentazioaren nazioarteko zentroa berriaren ildo eta oinarri nagusiak. Gipuzkoako Foru Aldundiak sortu eta finantzatu du zine eskola.

Formakuntza ildoa 2018ko irailean jarriko da abian, Donostia Zinemaldiarekin batera, eta zinemagintzaren artxiboa, komisariotza eta sorkuntza landuko dituzten hiru graduondoko ikasketek osatuko dute. Bestalde, ikerketa esparrua 2017ko urritik aurrera jarriko da martxan, eta eskolako jarduerak abian jarriko dituen lehenengoa izango da.

Carlos Muguiro (Elizondo, 1966) izango da Aldundiak sustatuta Tabakaleran sortuko den Zinema Eskolako zuzendaria. Horretarako deitua zen lehiaketan, epaimahaiak erabaki du “La hipótesis del cine” proiektua izendatzea irabazle, Muguiro kudeatzekoa den proiektua, hain zuzen. Aldundiak deitutako lehiaketan beste lau eskaintza aurkeztu dira.

Denis Itxaso lehen diputatu nagusiorde eta Kultura diputatuak gaur ezagutarazi ditu Tabakaleran sortuko den zine eskola berriaren inguruko xehetasunak. Gipuzkoako Foru Aldundiak eta Tabakalerak lankidetza hitzarmena sinatu dute eskolaren kokaleku izango den eraikineko beheko solairuan, espazio horretan proiektua gauzatu ahal izateko.