Lucía Selva (Alonso Santos) Granadan jaio zen 1998an. Zinematografia ikasi zuen Kataluniako Zinema eta Ikus-entzunezkoen Goi Eskolan (ESCAC), eta Argazki Zuzendaritzan espezializatuta graduatu zen. Filmen artisautza du aztergai, baita hizkuntza eta estetika berriak ere, eta, ondorioz, argazkigintzaren, bideoklipen, ez fikzioaren eta bideo saiakeren arloan lan egiten du, film euskarriekin, euskarri digitalekin eta argiarekin esperimentatzeak erakarrita. Bere In Memoriam bideo saiakera Filmadrid (2020) jaialdian aukeratua izan zen, eta MUBIk banatu zuen. Bere lanak identitatearen eta espazioaren arteko harremana lantzen du; Quién vio los templos caer lanean irmoki islatzen da harreman hori. Film hori Escac Films-ek egindako GRALen proiektuen hautaketaren testuinguruan egin zen (horrekin amaitzen da bere etapa akademikoa), eta modu independentean burutzen da, bere lehen film luze bihurtu baita. Gaur egun, filmaren postprodukzio prozesua eta hurrengo proiektuaren garapena uztartzen ditu; hain zuzen, azken hori ikerketa fasean dago.
Profil honen azken eguneratzea: 2023
