Bartzelonan jaio zen 1997an, Filosofian lizentziatu zen Bartzelonako Unibertsitatean (2021) eta zinema eta ikus-entzunezko ikasketetan diplomatu zen Catalyst Berlin School-en (2016). Gollut (Ribes de Freser) zinema jaialdiko zuzendaritza artistikoaren eta programazioaren arduraduna da. Jaialdi hori konpromiso sozialeko jaialdia da, eta landa inguruneetan zinema zabaltzea du xede. Kultura hiri handietatik deszentralizatzearen alde egiten du eta kulturan logikak inposatu eta aldiriak definituko dituen zentro bat egon behar delako ideia baztertzen du. Drac Màgic ikus-entzunezko baliabideen sustatzailearen proiektu pedagogikoan lan egiten du. Egitasmo horretan, “Construir Mirades” proiektuaren lantaldeko kidea da, eta ikus-entzunezko lengoaietan trebatzeko tailerrak ematen ditu, ikuspegi dekolonial eta generokoan oinarrituta. Xcèntric artxiboarekin lankidetzan aritzen da, CCCBren artxibo zinematografikoarekin (Bartzelona); han, komisarioa da eta zinema esperimentalari buruzko hitzaldiak ematen ditu. Gaur egun, Cineclub Xcèntric ekimenaren moderatzailea da. Egitasmo horren helburua artxiboari bizia ematea da, artxiboak ezkutatzen dituen lanei buruz gogoeta egitera gonbidatzen duten saioekin. Halaber, La Mostra Internacional de Films de Dones-en (Bartzelona) lineako artxiboa eguneratzen lankidetzan aritu da, baita hainbat zinema jaialditako antolaketa-lanetan ere, hala nola L 'Alternativa (Bartzelona) edo Glasgow Film Festival (Eskozia). Gaur-gaurkoz, utzarazten ari diren Casa Orsolako (Bartzelonako L 'Eixampleko eraikin modernista) bizilagunen komunitate antolatuari buruzko proiektu dokumental baten zuzendarikidea da. Lan hori sortze fasean dago. 2022az geroztik Butxaca Màgica egitasmoaren antolaketa nukleoaren parte da, esparru instituzionaletik kanpo dagoen kulturgunea (Hospitalet de Llobregat). Bartzelonako ehun artistiko eta kulturala babesteko asmoarekin sortu zen, eta bertan, erakusketak, emanaldiak, poesia errezitaldiak eta kulturarekin eta pentsamenduarekin lotutako ekitaldiak egiten dira.
Profil honen azken eguneratzea: 2023
