Pablo Salvador Boido (1981) ikertzailea, irakaslea eta errealizadorea da. Arte Konbinatuetan lizentziatu zen Buenos Airesko Unibertsitatean, eta han egin zuen Arteen Historia eta Teoriako doktoretza ere. Bere egungo ikerketak zinemaren eta arte garaikidearen arteko bidegurutzean oinarritzen dira. Gaur egun doktoretza amaitzen ari da CONICETen beka batekin (2025-2027). Doktoretza-egonaldia egin zuen Euskal Herriko Unibertsitateko Arte Ederren Fakultatean (2022–2023). Gainera, beste beka batzuk ere lortu ditu, hala nola UBACyT (2019-2024), UBAint (2022) eta AUIP Movilidad (2022), besteak beste.
Irakaslea da Diseinu, Irudi eta Soinu karreran (FADU, Buenos Airesko Unibertsitatea). Ikertzaile gisa, honako proiektu hauetan aritu da: Mundos fuera de sí: intermedialidad en las artes, la literatura y la curaduría argentina contemporáneas. Arte eta Kritikako Ikerketa eta Esperimentazio Institutua, Arteen Unibertsitate Nazionala. Halaber, Ibilbide zinematografikoak: Alemaniaren eta Estatu Batuen arteko joan-etorriak eta trukeak aldi klasikoan (1919-1960), Arte Departamentuan, Filosofia eta Letren Fakultatean, Buenos Airesko Unibertsitatean eta Historiaren tramak eta formak ikus-entzunezko narratiba garaikidean Buenos Airesko Unibertsitateko Filosofia eta Letren Fakultateko "Dr. Raúl H. Castagnino" Ikuskizun Arteen Institutuan.
Zinema Migrantearen Nazioarteko X. Jaialdiaren sail nagusia programatu zuen, eta Colonial Bodies I eta II (MUNTREF/Matienzo) erakusketen komisario izan zen, baita hainbat zinema-ziklotan ere. Andres Di Tellak zuzendutako Zinema Programan trebatu zen, Claudio Caldini, Ernesto Baca eta Cristiano Burlan bezalako zinemagileekin.
Bere film laburrak, instalazioak eta ikus-entzunezko performanceak nazioko eta nazioarteko jaialdietan, galerietan eta museoetan erakutsi dira, honako hauetan, besteak beste: BAFICI, CC Recoleta, CNB Contemporáneo, Palais de Glace, Festival Samples, Festival Stripart, DOC Buenos Aireseko Artisten Zinema, Play Video, EPA Zinemaldia, Buenos Aires Probintziako Nazioarteko Zinemaldia, Underground Zinemaldia, Haroldo Conti Kultur Etxea, Matienzo Kultur Etxea eta La Paternal Espacio Proyecto Egoitza.
Gaur egun, bere lehen film luzea lantzen ari da, Pensar con las Manos ekoiztetxearekin batera, Luciana Piantanida, Andrea Testa eta Francisco Marquezek osatua.
Profil honen azken eguneratzea: 2025
