Alloz (Nafarroa), 2002. Euskal Herriko Zinema Eskolan zuzendaritza zinematografikoko diplomaturan graduatua. Bertan, teknikari zinematografiko gisa prestatu zen eta hainbat postu bete zituen errodajeetan. Horrez gain, hiru film labur zuzendu ditu, film luze kolektiboaren laborategian garatu du bere ideia, eta gradu amaierako lana egin du ikerketaren arloan zinemako banaketa kulturalari buruz. 2024an SSIFFen 72. edizioan parte hartu zuen epaimahaikide gazte gisa. Gaur egun, Artearen Historia ikasten ari da UNEDen, eta, aldi berean, UABen Imaginando Realidades: La Autoría en el Cine Documental ikastaroa egiten ari da. Bere ibilbidearen ondorioz, gero eta interes handiagoa du zinemak ekoizpen-eredu konbentzionaletatik harago eskaintzen dituen aukeren inguruan, eta kolektibitatean, artisautzan eta pentsatzeko eta zinema egiteko modu berrien esplorazioan oinarritutako ikuspegiaren alde egiten du, diziplina artistikoen arteko eta publikoen eta sortzaileen arteko mugak haustea bilatuz.
Profil honen azken eguneratzea: 2025
