Proyectos de investigación /
Beren iragana beti da presente
Cinenova zinema feministaren bildumaren inguruko ikerketa
Proiektu honek Londresko bideo banatzaile feministaren funtseko material sorta bat zaharberritu nahi du eta ikerketa kritiko bat proposatu genero ikuspegia ere kontuan hartuta, emakumeek egindako zinemaren historia ezagutzeko eta ezagutarazteko helburuz.
Cinenova Londresko erakunde bat da, zinemagile eta bideo artista feministen lanak zaintzen eta banatzen dituena. 1991n sortu zen, bi banatzaile feministek bat eginda: Circles eta Cinema of Women (1979an sortuak bi-biak). Gaur egun, Cinenovak 300 lan baino gehiago banatzen ditu: hala nola artisten filmak, zinema esperimentala, film luze narratiboak eta bideo dokumental eta hezitzaileak, 20ko hamarkadatik 90eko hamarkada amaiera bitarte sortutakoak. Lantzen dituzten gaiak askotarikoak dira: erresistentzia historiak, borroka postkolonialak, genero ordezkaritza, arraza eta sexualitatea, aniztasunari lotutako beste gai batzuk… baina, batez ere, borroka horien arteko harremanak eta aliantzak.
Cinenova Working Groupe-rekin (gaur egun artxiboa zaintzeaz eta banatzeaz arduratzen den emakume boluntario taldea) elkarlanean, “Beren iragana beti da presente” proiektuak proposatzen du ikerketa fokuak garatzea bildumako parte diren artisten lanari buruz. Ikerketa foku bakoitzean, zinemagile baten edo gehiagoren materialak zaharberritu nahi dira, eta ikerketa bat egin genero ikuspegi kritiko batetik, helburutzat izango duena emakumeek eginiko zinemaren historia ezagutarazi eta zabaltzea. Ikerketa fokuen emaitza gizarteratu egingo da, programa publikoen bidez, programa horien barnean egonik zaharberritutako materialen proiekzioa eta ikerketa lanetik abiatutako jatorrizko literatura kritikoaren argitalpena.
2018-2019 ikasturtean, Sandra Lahire eta Joanna Davis artisten lana izan da aztergai; aldiz, 2019-2020 ikasturteko lan taldeak Annabel Nicolson zinemagilearen obra aztertu zuen.
Fitxa teknikoa
Ikertzaile nagusiak:
María Palacios Cruz, Charlotte Procter
Ikasleak 2020-2021:
Alejandra Frechero, Anna Babos, Julia Cortegana de la Fuente, Mariana Queen Nwabasili, Marianela Vega, Paula González, Simon Petri Lukacs
Ikasleak 2019-2020:
Alessandra Boulos, Anna de Guia-Eriksson, Carolina Battaglini, Daniela Delgado Viteri, Mariana Sánchez Bueno, Min Young Park, Valentín Via
Ikasleak 2018-2019:
Alfredo Ruiz, Andrea Sánchez, Carlos Saldaña, Elizabeth Dexter, Jugatx Otero, María Laura Ríos, Paloma Hernández, Sisu Satrawaha
Erakunde parte-hartzaileak:
Cinenova, LUX
Kronologia:
Iraila 2019 - Abendua 2021