Aztarnak zikloa ihes puntu bat irekiz agurtuko da

Azken zati honek zerumuga irudikatzea du helburu: espazioekin eta denborekin amets egitea eta gure paisaiak bizitzeko modu desberdinak irudikatzea. Ikasturtean zehar, fabulatu egin da, eta beste mundu batzuk sortu dira; orain, gureak amesten eta eraldatzen dituen formak begiratzen ikastea da helburua.

Bloke hau, La Platako paisaiak arakatzen dituen the bewilderment of chile (Lucia Seles, 2025, Argentina) lanarekin irekiko da. Last Things-ekin (Deborah Stratman, 2023, Frantzia) jarraituko du, non harriak artxibo bihurtzen diren giza eboluzioa eta iraungipena arroken ikuspuntutik irudikatzeko. Eta azkenik, Trás-os-Montes (António Reis eta Margarida Cordeiro, 1976, Portugal) lanarekin itxiko da, herri-kondairetatik eta paisaiaren beraren ikuspegitik habiatuta, Portugal landatar eta ahaztuaren fabulazio bat.

Proiekzioak Tabakalerako beheko solairuan izango dira, EQZEko zinema-aretoan, doan. Sarrera librea izango da aretoa bete arte. Urriaren 25ean, azaroaren 29an eta abenduaren 13an 18:00etan izango dira, hirurak igandeak.

AZTARNAK, gure oraina zeharkatzen duten arrasto eta seinaleetatik abiatuta, zinema proposatzen du esplorazio-gune gisa, etorkizun posibleak irudikatzeko. EQZEko komisariotzaren zortzigarren promozioko ikasleek osoki garatu eta sortutako ekimena da, partekatutako lan-prozesu baten emaitza.

Programa 

Urria 25  / 18:00 (EQZE Zinema) 

the bewilderment of chile (Lucía Seles, 2025, 119 min, Argentina, JBEA)

29 azaroa /  18:00 (EQZE Zinema) 

Last Things (Deborah Stratman, 2023, 50 min, Frantzia, JBEA)

13 abendua / 18:00 (EQZE Zinema) 

Trás-os-Montes (António Reis y Margarida Cordeiro, 1976, 111 min, Portugal, JBEA)