Onarpena
Elías Querejeta Zine Eskola unibertsitate eskola da, UPV/EHUra atxikia, eta graduondoko ikasketak eskaintzen ditu pertsonen arteko konpromisoaren testuinguruan eta zineman erabat murgilduta
Zinemagintzaren inguruko bizipena eta azterketa intelektuala egin nahi duten eta lanbide berriak esploratu nahi dituztenentzat leku ezinhobea da EQZE. Zinemagintzari buruzko ideia eta berrikuntza zentroa denez, ezinbestekoak dira parte hartzaileen konpromisoa, heldutasuna eta inplikazioa. Ikasleak eta irakasleak mundu osokoak izan daitezke.
Programa akademikoa eratuta dago, bai goi mailako unibertsitate titulu bat (lizentzia edo gradua) duten edo hura lortzeko prozesuan dauden ikasleentzat, bai zinema eskolaren batean egresatu diren ikasleentzat. Salbuespen gisa, aurre baldintza horiek bete gabe zinema esperientzia egiaztatua duten hautagaien kasu partikularrak aztertuko ditu zentroak.
2024-2025 Ikasturtea
Onarpen prozesuan parte hartzeko epea otsailaren 1ean hasi eta hilabete bereko 29an amaituko da.
2022-2023 Ikasturtea
Izen ematea soilik egin daiteke orrialde honetan dagoen formularioaren bidez. Plataforma epea hasten den egunean aktibatuko da.
Hautapen prozesuan parte hartzeko prozedura honako hau izango da:
1. Datu pertsonal eta akademiko guztiak emateaz gainera, hautagaiek zer espezialitatetan parte hartu nahi duten adieraziko dute, lehentasun hurrenkeran. Onarpen epaimahaiak informazio hori baloratuko du, baina hautagaiak beste ibilbide batzuetan parte hartzera gonbidatu ahal izango ditu.
2. Hautagaiek, eskaerarekin batera, dokumentu hauek aurkeztu beharko dituzte:
- Biografia labur bat (ikus adibideak).
- Motibazio gutuna.
- Curriculum vitaea eta/edo portfolioa. Ikus-entzunezko artxiboen kasuan, harrera egiteko onartutako euskarria esteka da.
- Txosten labur bat, non ikasleek ikasturtean garatu nahi duten proiektuaren nondik norakoak azalduko dituzten. Proiektuaren formatuta eta tipologia librea da (ikus EQZEn garatutako proiektuak).
- Titulua eta/edo espediente akademikoa.
Dokumentazioan dauden fitxategiak edo estekak zuzenak direla egiaztatzea gomendatzen da.
Hautagaiek egokitzat jotzen dituzten dokumentu eta material osagarriak ere aurkez ditzakete. Ez da gomendio-gutunik onartzen.
Dokumentuak euskaraz, gaztelaniaz ala ingelesez aurkez daitezke.
Plazen muga 15 ikaslekoa da, espezialitate bakoitzeko.
2023-2024 Ikasturtea
Onarpen epean jasotako eskaerak Onarpen Epaimahaiak eta zentroko Zuzendaritza Akademikoak ebaluatuko dituzte.
Lehen balorazio bat egin ondoren, hautagaiei elkarrizketa baterako deitu ahal izango zaie (presentziala edo online).
Zentroak eskaeraren erantzuna jakinaraziko die hautagaiei. Hiru hauetakoren bat izan daiteke: onartua, itxarote zerrendan edo ez onartua. Jakinarazpena ekainaren lehen astean egingo da.
Itxarote zerrendan geratzen diren hautagaiek zerrenda horretan jarraitu nahi dutela berretsi beharko dute. Egoera behin betiko erabaki gabe gera daiteke abuztuaren amaierara arte; hots, hautapen prozesua behin betiko amaitu arte.
EQZEk eskatzaileei beren egoerari buruzko informazioa emateko eskubidea du, prozesuaren edozein unetan. Komunikazio guztiak onarpen eskaeran adierazitako helbide elektronikora igorriko dira.
Salbuespen gisa, zentroak onarpen-epea luzatzeko eskubidea gordeko du plaza hutsak gelditzen badira.
2023-2024 Ikasturtea
Behin onarpena jakinarazita, aukeratutako hautagaiek bost egun izango dituzte proposatutako plaza onartzen dutela berresteko.
Plaza onartu ondoren, onartutakoei jakinaraziko zaie 10 eguneko epea dutela nahitaezko dokumentazio hau aurkezteko:
1. Europako Unibertsitate Eremutik kanpoko herrialdeetako ikasleek, titulu homologaturik ez dutenek, UPV/EHUko E-5 inprimakia aurkeztu beharko dute sinatuta. Horrez gainera, titulua eta ikasketa-espedientea eskaneatuta aurkeztu beharko dituzte.
2. Unibertsitateko ikasketarik ez duten ikasleek UPV/EHUko II. inprimakia aurkeztu beharko dute sinatuta. Inprimaki horri unibertsitatera sartzeko bide emango dieten dokumentazioa erantsi beharko diote (batxilergoko titulua, adibidez), eta beren lan esperientzia justifikatu (Gizarte Segurantzak emandako lan bizitza erantsi behar da).
3. EQZEra sartzeko tituluaren fotokopia konpultsatuta.
Dokumentazio guztia gaztelaniara itzulita egongo da (hizkuntza hauetako dokumentazioa izan ezik: frantsesa, ingelesa, italiera eta portugesa).
Hautatutako hautagaiek, beharrezkoa den informazio guztia jasoko dute, besteak beste, matrikula formalizatzeko eta ordaintzeko epeak eta moduak.
Ikaslea EQZEn onartuta egongo da plaza gordetzeko seinalea adierazitako epean ordaindu (matrikularen kostearen % 20a) eta arestian aipatutako dokumentazioa aurkeztu ondoren. Hautatutako hautagairen batek plaza-erreserbaren zenbatekoa ordaindu ondoren baja hartzen badu, ezingo du ordaindutako kopurua berreskuratu.
Matrikula formalizatzeak berarekin dakar programa onartzea.
2023-2024 Ikasturtea
ipuzkoako Foru Aldundiak, Ibermedia Laguntzako Iberoamerikako Funtsak eta Projeto Paradiso erakundeak laguntza espezifikoen deialdiak egingo dituzte Elías Querejeta Zine Eskolako graduondoren bat egiteko 2023-2024 ikasturtean.
1. Izango zara beka: Gipuzkoako Foru Aldundiaren Kultura Sailak 2.500 euroko hiru beka emango ditu. Beka hauek eskuratu ahal izateko, ezinbestekoa izango da Gipuzkoako Lurralde Historikoa osatzen duten udalerrietako edozeinetan administrazio-egoitza izatea egiaztatzea, gutxienez bost urtez, azken hamar urteen barruan. 31 urtetik beherakoek jaso ahal izango dituzte beka hauek.
2. Ibermedia beka: Ibermedia Laguntzako Iberoamerikako Funtsak hamabi beka eskainiko ditu, bakoitza 3.333 dolarrekoa, eskolako prestakuntza programaren baterako hautatuak izan diren eta programan parte hartzen duten 23 herrialdeetakoak diren ikasleentzat. Hona hemen herrialdeak: Argentina, Bolivia, Brasil, Txile, Kolonbia, Costa Rica, Kuba, Ekuador, El Salvador, Espainia, Guatemala, Honduras, Italia (herrialde gonbidatua), Mexiko, Nikaragua, Panama, Paraguay, Peru, Portugal, Puerto Rico, Dominikar Errepublika, Uruguai eta Venezuela.
3. Paradiso bekak: Olga Rabinovich Institutuaren Projeto Paradiso egitasmoak beka bat emango dio brasildar ikasle bati, Komisariotza espezialitatea ikas dezan EQZEn. Brasilgo 10.000 erreal ere ordainduko dira, bidaiaren kostua ordaintzeko.
Beka horietara guztietara aurkezteko, ezinbestekoa izango da EQZEn onartua izatea.
2023-2024 Ikasturtea
Matrikularen kostea 4.200 eurokoa da.